Skud

Skud ur ak-d-yedhri kra
Skud ur k-ixuss wara 
Ur qqar seigh lehbab
Skud ur terbihedh ara 
Skud ur d-snulfadh kra
Ur iyi-d-ttara ledjwab
 
Skud am wiyidh tellidh 
Yid-sen di lhif teddidh 
Ur yelli kra yellan 
Skud am nutni tettwalidh
Skud ur d teflalidh 
Ur yelli id-yedhran 

Skud itri ur t ttwalidh 
Tafsut ur tt-tetthibbidh
Ulac-ik xas ma tellidh 
Skud iswi ur d-gidh
Ul-ik ur-t-id-llidh 
gher wulac ay ternidh

Skud izerfan ur teenidh 
Ccghel-ik akken ila i t-tedjidh
Yedhmen umekkan di teclibt
Skud akken ttwalin i tettwalidh
Dayen bghan i tebghidh
Lewqat yidsen aazizit

Ma txeggledh-d yiwwas s kra
Xas ma ur yeswi ara
Assen ay ibda lhif-ik
Ad regglen kra kra
Ad d lhun yissek i merra
Ass-nni ay d ccum-ik 

Leibad nni tessnedh
Ur ten-tessinedh tgheltedh
Beddlen wudmawen nnsen
Ur ten-tettaaqaledh
Deg iman-ik ad tesskiddibedh
Ad temzennadent wallen-ik

Ulac acu ur d-beddaen 
Ad d-glun s yemxixen 
Ur iqebbel laaqel 
Tismin lghell ad d-dduklen 
S laayub ad k-jeggren 
Ad as-qqaren yemxel. 

Ahcene mariche


Sidi Valentin 

D rbaatac di Furar,
D tamaghra n wid yemhemalen
Yal wa d akken att-yedder
D win d ttin aazizen
D lâada seg wass-mi yedder
Valentin d Valentine
Yal wa s anda yerra
Yal wa ghef ig-ttnadi
Ad afen merra taghawsa
Yiss ar ad begnen tayri
Ilemzi, amghar yedda
Ihuz-iten akk ubehri nni
Ihuz-iten akk uhulfu nni
Si iâarqab akk neffegh
Ad n-awit tizedjigin
Deg ulawen merra a nezraâ
Lhub ad n-ttut tismin
Lehmala degs nfaâ
Lguirra d ayen ur nemâin
Achal d lqarn iâadan
Amezruy ijemaâ-iten-id
Deg ubrah n tayri ressan
Mhemalen nebder-iten-id
Achal d taqsit i yedran
Naâya nesfruri-tent-id
Hkan-d ghef Antar d Abla
D Caaban d Drifa Ujajih
Hkan-d ghef Qeys d Leila
Rnan-d ghef Romeo d Juliette
Ur netsu Saâid d Hiziya
D taqsit id- yewwin jjih
Ger Lhesnaoui d Fadhma
Ma d taqsit n wass-a d tajdhit
Ger Hsen d Zivka
Ussan-a is-gezmen timit
Vincent Van Gogh mechur
Laâmer tedhra teqsit-is
Iwala iman-is mehqur
Mi tugi tmaâcuqt-is
Yeâya degs yessutur
Yekker igzem amezzugh-is
Yal wa d acu yehda
Isehl-as uxtiri
Nek ayatma aawqagh
D acu ara yilin d inigi
Yal lhadja muqlegh
D ayen ttebghigh ur telli
Ur iyi-teccur tit madhi
Achal n lehwayedj i xtaregh
Yisent ar taâzizt ad arzugh
Tawardett deg ufus ad t-dmegh
S wayed d asefru ad s-arugh
Zzin-is ghef lkaghed ad t-id-begnegh
Talgha-s, stalaght ad t-bnugh
Deg irrebi-s ad s-ten-sersegh
Mazal zmam ad t-arugh
Taryri-w akk ad tid-fesslegh
Ayi d-yegri ussaru ad t-aanugh
Nek yides ar a t-laabegh
Nek yides ar a t-metlegh
D xemestac di Furar
Amezruy ifat nekcem
Nughal nettunebdar
Ass-a yugra-yagh-d yisem
D uffir m ad ass a yedher
Cfut ghef Zivka d Hsen
Laânaya-k a Sidi Valentin
Laânaya-m a Lala Valentine
Laânaya-k kecini a Qis
Laânaya-m kem -ini a Leila
Laânaya-k a Lhesnaoui
Laânaya-m kem a Fadhma
Laânaya-k kec a Saaiyed
Laânaya-m kem a Hiziya
Laânaya-k kec a Romeo
Laânaya-m kem a Juliette
Aqlagh nerna-d ghur-wen
Ur agh ttehecimet ara
D ayen yedhran yidwen
I yid-negh yedhra ass-a
Sewaâden agh s udhad am uccen
Am akken d timenghiwt ay nengha
Sburet-agh s ucedhadh-nwen
Tetchurem d lbaraka.

Ahcene Mariche


INI-YI-D 

Ini-yi-d, ini-yi-d
Ma themmledh-iyi ?
Ini-yi-d, ini-yi-d
Ata wul-iw yerwi-yi
Ini-yi-d, ini-yi-d
ɣef yifri tedjidh-iyi
Ini-yi-d, ini-yi-d
ɣef leqdhaa tedjidh-iyi
Hemmlegh-k, hemmlegh-k
Ul-iw ad yethenni
Hemmlegh-k, hemmlegh-k
Ad iyi-d-iban lewhi
Hemmlegh-k, hemmlegh-k
Tiyersi-w ar d a d tefsi
Kerhegh-k, kerhegh-k
Deg usirem ur ttaacegh
Kerhegh-k, kerhegh-k
Tasa-w ar  tt-skenfegh
Kerhegh-k, kerhegh-k
Layas ar d at-qedhaagh
Ger-asen, ger-asen
Ur yi-d-qqar tellidh
Seg-sen, seg-sen
Yiwen a t-id-semmidh
Ger-asen, ger-asen
A kem-id-yemmagren d llhidh
Ahemmel d lkerh
Yak werdjğğin msaafen
Ahemmel d lkerh
Yiwen kan i yteddren
Ahemmel d lkerh
D iswan mxallafen
Hemmlegh, hemmlegh
Zrigh ay d lehmala
Hemmlegh, hemmlegh
Lehmala-w tecba tala
Hemmlegh, hemmlegh
Kksegh  seg yiles-iw ala

AHCENE MARICHE



ZIVKA  Meqqrit wallen-im d lebher
Deg sent aqli a ttaaumugh
Yerked ur yeêcer
Gher wul-im ala teddugh
Di tirza-w izha lxater
Lebghi-w nekk ad akem saugh
Ur ttlumut ara deg-i
Ma fell-i iaadda uzaylal
Ul-iw gher ghur-i ur yelli
Nekk ttaacagh di laxyal

Laaqel israfeg idjdja-yi
Aarqen-iyi akk lecghal
Kecmegh di tirga idhulen
Xas laamer nsent d cwitt
Xas beddegh medlent wallen
Taqsitt-iw tugar taqsitt
Amek-ik a yul ihebbken
Rruh di laassir territt
Sellagh i wul ad ittnezma
Maani d acu iwumi zemragh
Ghur-i tissas a yemma
Ar zdat n tayri ggummagh
Hkan-d ghef Qeïs d Leïla
S taqsitt nsen umnegh
Nekk ghef akka I d i-tedhra
Itseddart nsen dhallegh 
Achal aardhegh ad d-hkugh
ɣef lxatar ad ssixeffagh
Negh ul-iw ad tsedhugh
Swayen akk yid-m ssarmegh
Mi snnigh s iswi-w teddugh
Ad affegh weraad qelaagh
Qelbagh tt gher ccna a cennugh
Imeslayen-ni akk i d hedddegh
Isefra i d yedjdja wallagh
D taqsitt inu deg umiic
Ad tewtem deg-i aalmagh
Fell-i ad tessekkrem zzwic
Isem-iw a went i d beggnegh
D nekk ay d Hsen Maric
D tmenqas nnwen wulfagh
Sqecret deg-i maalic
Tayri i d iyi-selben
Amezruy ar d ad tekcem
Izuran ressan djehden
Ur tnisrughu ssùmayem
Ur ttkarffen imeslayen
Deg-iles ma tesghezfem
Cfut ghef Zivka d Hsen
Deg umedya ad ten-i d ader-m.

AHCENE MARICHE



Tawizet  
Tawizet ger twiztin 
Yak d tawizet kan 
Deg mekkan wayedh nin 
Cciaa-s dayen i rnan
Akken ula d tiqcicin
azel-itt-I d ad d-tban 
Cebhent akk tyedrin 
Deg uaarqub n yirden 
Ala tinna ittleghwin 
Ur illi i tt-iaamrren 
Akken ula gher tilawin
Siked tin ireznen 
Lfetta yak d lfetta
D ssaaya i win tt-ikesben 
Trennu d ula d lhetta
I tinna ad tt-yeqqnen 
Tafzimt trennu ccedda
I tinn i tt-iaallqen 
Ddheb isem-is ddheb
Iban  meqqer uzal-is
D achal fell-as yecgheb 
Tislit izad lkar-is
Anwa wa ur taadjdjeb
Mi tebges tiwiztin-is
Tin ittmeyyizen xtir 
Teghleb i tsell i d-teqqar
Aadaw ur s-yezmir 
Ahbib tezga tquder 
Ur tessin i ssmir 
Di lehna tezga tedder 
Mi ixleq Rebbi laabd-is 
Yezra amek i at-ixleq 
Sin imezzagh d lheqq-is 
Ma  d imi yiwen is-ilaq 
Deg waya yefra ccghel-is 
Amdan ilaq ad ifaq .

AHCENE MARICHE


ili-kem kan d kemm  

ili-kem kan d kemm
Ur d-cellaa deg yiwet
Ur nehhu ur ttassem 
Ttbel win ibghan yewwet
Tezridh wi am-igan isem 
Mi iggul ur yehnet  Yal ta deg jellab-is 
Ayla-m zer-–it aaqel-it
Yal ta ay d azar-is 
Kemm ayla-m qader-it
Di laali err amekkan-is
Macci wi ddan yewwedh-it
Wi ibghan aaryan yeddu 
Negh deg laar yexnunes 
Kemm ghef leqder-im cfu
Ur ttadja hedd ad at-yaafes
Magraman ur d yedjdji ajgu 
Uffal ur ttamaa deg-s
Akken tellidh i tcebhedh
Ala kemmi wahd-m 
Aygher tayedh ad taandedh
Imi kullec-im isseggem
Amen s wayen tkesbedh
Winna ad t aandedh yasem 
Ttwali ghur-m i izaden
D wi ixussen i tiyidh
D azal-im ad d-ibanen 
Di ccan ad as-tessalidh
Aswir-im ay t-ireghben
Kemm laali-s ur tezridh

AHCENE MARICHE


“Mebla d tiaad” 

A tin-iyi-d-yettassen 
Mebla ula d ttiaad 
A tin iyi-d-yettzuren 
Ur fhimegh weraad 
A tin iyi-ssefrhen 
Azal-im izad 
 
Txeddmedh ccghel-im 
Ur d-cliaadh deg-i 
Tettawdhedh iswi-m 
tter tezridh i nekki 
Lawan yakk d rray-im 
Werdjn tcawredh-iyi 

Xas ma nemwalaf 
Ur frizent wallen 
Tikwal nettemsaaf 
gher wayen i agh-icerken 
Xas ma nemxallaf 
D win ikem-itebeen 

Yiss-m nekk ttêussugh 
Xas ur ttifen ifassen 
I d-teqqaredh ad tarugh 
Xas ur slin imzzughen 
D isefra i ten-derrugh 
U zgan d ighezfanen 

Xas ma beddlegh amkan 
Nekk ur m-fkigh tansa 
Lawan-im d lawan 
Mi ara therrek tassa 
Tasraft-iw ad d-tban
Mi tebghidh taghawsa 

Ur teseidh yiwen webrid 
Ttawin-kem-id irkell–i 
Aawin-im d icerrid 
Negh d i ezizen fell-i 
Tistent xas ur temsid 
Din din yekfa kulci 

TTaq tawwurt ghelqen 
Reglegh ula d lecqayeq 
Ur yelli i d-yeqqimen 
Ula d tazulight teghleq 
D acu i kem-id-yessawdhen 
D avu negh d lebraq 

Wahmegh amek i d-tettasedh 
Alamma kan tewwdhedh-iyi-d 
Wala amek tettruhedh 
D awhid tettadjadh iyi-d 
Ad-kem-djegh ad textiredh 
Yiwen wawal ini-yi-d 
Ilebda yid-i ad teqqimedh 
Negh lehna-w sehder iyi-d 

Hemmlegh-kem, kerhegh-kem 
Imi zidedh, rzagedh 
Hemmlegh-kem, kerhegh-kem 
Fessussedh, ézzayedh 
Hemmlegh-kem, kerhegh-kem 
Akken tsehledh i twaaredh 
Hemmlegh-kem, kerhegh -kem 
Akken thedqedh , i tqebhedh 

AHCENE MARICHE 


“Lhewj yesnulfa-iyid” 

Lhewj yesnulfa-iyi-d 
D amekkan iga-iyi-d 
Di tudert n wemdan 
Achal d udem ifka-iyi-d 
Yal talgha igerrez- itt id 
Yecfa-yasent-id zzman 

Achal s wayes i d-ceghlegh 
Ccghel ad t-ssisehlegh 
I wina iyi-d-yesnulfan 
Achal d lhadja i gezmegh 
Lxedhra, asghar sqecregh 
Rnu ula d ikesman 

Simmal lecghal ttgerrizegh 
S yiman-iw ferrhegh 
La tettnerni leezza-w 
Si tkuzint wellah ar d-ffghegh 
Di tdjoukhritt yak ughalegh 
Rnan-iyi di ccbaha-w 

ghef lhidh ttueellqegh 
Lmefruz imedhqan rsegh 
Hemmlen iyi medden irkeli 
S leezz ay ttwattafegh 
D imerkantiyen, slatten ddregh 
Lihala-nsen teedjeb-iyi

A tawaghit i d-idhehren 
Yir amdan mi-iyi-ssexdem 
Ula di yir lecghal 
Yiss-i ay ttuwecmen 
R nu achal yemmuten 
Rran-iyi d yir lfal 

Di dqiqa teghli yiss-i 
Ghligh-d yak si laali 
Ssethagh s yiman-iw 
Grigh-d gher lqadhi 
Mi ihkem ghef lassi 
Mmektagh-d lhemm-iw 

Ass-a ihwel lebhar-iw 
Mmektagh-d akk tid-iw 
D wansi yak i d-aaddagh 
Times tbeddel-iyi udem-iw 
Tafdhist tefka talgha-iw 
S lmilaq leqdhaa kesbegh 

I ijujah akk sebregh 
I trabuzt mi sellegh 
Lxater-iw iswehwih 
Gher kra hercawen mesdegh 
D lmilaq negh d adghagh 
Akken ad iqdhiaagh mlih 

I tigi yak i wumi sebregh 
D wamek ghur-wen d-wwdhegh 
Ay husbegh ma drus 
Gher kra d lxir i xedmegh 
I wiyadh d ccer i d-udjwegh 
Ma ur iyi-taaqilem d lmus 

Ahcene Mariche 


ADRIM 

Adrim nezrat d ttawil 
I ittehwidj yal yiwen 
Azal-is i t-yezran d igellil 
Negh ahat d imerkantiyen 
Ma d les richards ahlil 
Yezga yettughru-ten 

Adrim yessuffugh laaqel 
I win ghef i d-yehdef 
Yettara-t ini yemxel 
Yeddehim mebhal ilef 
Itteewwil ad irehel 
Negh deg wadhu ad d-yettef 

Xas ma ussu yettadh-d 
S yidhes ur d-igellu ara 
Xas ma lmakla tettawidh-d 
Lbenna ur tettafedh ara 
Ddheb d lfetta ma ternidh-d 
Zzin ur yettnuz ara 

Ad taghedh timusniwin 
Ma d lehbab ala 
Adrim ad ak-id-ibnu lehsin 
I lmutt ur tsellkedh ara 
Ad ak-id yextir di tmeqqerin 
Deg igenni ur tezmiredh ara 

I ghlayen yewwedh isiwadh 
Mi t-id mennadh yella 
Ma d rrezg ur twaladh 
Ttedrent at-nneyya 
Xas imnayen ad d-hiwledh 
AAlem ur k-ttseliken ara 

Ddwawi merra ad d-taghedh 
Tazmert ulamek ara 
Isafaren ad ten-id-tafedh 
Ar lehna ur tettnuz ara 
Zzhu ttnefcic twulfedh 
Daxel ik laghmam yezga 

I tebghiv ad at-id-taghedh 
Mi ifat tkesbedh achal 
Ala ayen ur tefrizedh 
D wi d-yesseghlayen aqlal 
Ur d-ttaran rruh teelmedh 
D acu tdhemeaadh deg uffal 

Idrimen ttawind achal 
Ssah ur as ssawdhen 
I d-ttawin d ajeghlal 
Mi immar wi t-iaamren 
Alama kan ifat lhal 
I d-yettban lexdaa-nnsen 

Aaddi ass-a eg ssuma 
I rrezg lferh d tezmert 
Wamma ihbiben d lehna 
Tayri dderya annect 
Teghzi n laamer, lmaana 
Imelyaren-ik d taakemt 
Ur k-ssawdhen s anda 

AHCENE MARICHE 


TAMETTUT 

Tamettut ghur-i am  taryalt 
Azal-is ur ifennu ara 
Xas ma  tselleh-as-d tassilt 
Neghtexnunes di lqaa 
Sfev-itt sigh as-taftilt 
Ad k-d-tban terna di ciaa 

Ur id-tuqiaa  degi iaaddan 
Nesaa irkel amezruy 
Yal wa ay s-gan w ussan 
Wa yettru ,wa yessefruy 
Wa segmen-as iberdan 
Wayedh d acruf yessaayuy 

Am tewriqin mellulen 
Ass-a achal deg-sent yuran 
Lechur d lesnin zerben 
Achal d tamsalt s id-glan 
Ur yuhtam deg-negh yiwen 
D ayen n dir negh d ayen ilhan 

Yal wa anda tugh yella 
Maci Akken yebgha wul-is 
Zzman akka i s-yehwa ass-–a 
Tufa tqabact afus-is 
Nekk ur ttbedilegh kra 
Yak iaadjeb-iyi leqdhaa-is 

Lumen-iyi wid yettasmen 
Qqaren-iyi deg-s i k iaadjben? 
Id-tebbwidh d ayen yumsen 
Ur t-ssiriden issafen 
Limmer ad asen-fkegh allen 
ɣur-s iyi-aadjben ad zren 

Teccedh ,ccdhegh ula d nekk 
Ulac win i wumi ur tedhra 
Mebghir lebghi negh naammed 
Yal wa amek i d as-tella 
Fihel deg idhelli ad nezzmet 
S amezruy ifat yedda 

D acu id agh-d-yegran tura 
Ssya ghef sawen d ssah 
Yal wa  nnsib–is yezra 
Ulaygher wayedh ad yejreh 
Si ttlam theder-d tuffgha 
Fell-agh yuli-d ssbeh 

AHCENE MARICHE 


Tawennatt 

Tawennat deg nettidir
Qlil win  itt ittqadaren
Stehzan deg-s la hir 
Deg-sur d cligen
Yal wa d acu yettegir
Zdat nsen it zeraan 
Ur yell i wid iselken 
Seg fassen nsen ayatma
La tizegwa ,la isaffen 
La idurar la tighezza
La sshari ni wessiaan
La lebher ni nesaa
Yal tighmert d agudu 
Di yal tamat ddukhan 
Ccbahaur d tegri adt newaau
Dayen iweccem itt wemdan 
Am kul mi d yehder unebdu 
Yergha umadagh yellan
Izulighen negh merra
S isaffen akk immaren 
Ur d yeqqim deg sen kra
Ula d iselman hujren 
Ma d idghaghen n sen ass-a
Swakkren assen wwinten 
Ssyada zik nhemmel 
Yis nedha , naac
Ass-a ur nettamaa fihel
Di tsenart iteddud wulac
Negh ma tellidh d lefhel

Dhmaa kra di tqerrac
Ttjur anda nett qeggil
Aamden fkan  tent itmes
Tizzegzewt ghef i nettdhil
Ass-aur d yeqqim ssges
Tter ur t nettektil
Alama syiss nebges
N ssizdig daxel nwexxam 
Netteggir zdat tewwurt 
Mid id hedrent tiram 
Nessenghal achal dtarbut 
Atawenat nerna ileghbina-m 
Aqcic  argaz tamettut 
Ggten ghurnegh wafrasen 
Ilefdhan ufan d amkan 
Nehres tezdeg dayen 
Ala axxam itt id issuhen 
Tehjeb ghef yemdanen
Wid yessluxuxen zgan 
Hemmlegh mùa d ihubb wadhu 
Yemmaled kra yellan 
Tabucitant mara terfu 
Sigeni tessawadh iten 
Ad jmaa kra ma yella
Zdat-k tezarwaa iten 
Wama lebher mi ara yahwel 
Yettxebbil kra yellan 
Kulci ad ticebbel 
Ad tghiledh d laab is d yehwan 
Mi yers ara g d imel
Ad lefaayel ik yerkan 
Tizitt yak d yizan 
Zgan yidnegh d irfiqen 
Tazzaghriwin dayenkan 
Ahlil wi yettemaaudjuten 
Lfuha di yal amkan 
Ldjifat yak d iwekkiwen 
Wistehzan di twennat
Deg negh akk i istehza
Ayamdan ma taundet 
Dtasraft iyi man negh neghza
Iyaw ad nefress yal tamat 
Wad nilit d imenza
Ad nefres zdat tewwurt 
Dwanda yakk nettidir 
Ad neglu yakk s tmurt 
Asif d yal lbir
Agh tizid tmeddurt
Ger tmura ad nifrir.

Ahcene mariche


Tawaghit n weqbayli / asefru 

Yefrah s mmis
La ihedder tarumit
Yefrah s yellis
La t hedder taglizit
Ula dtamettut is
Tarumit, tamasrit
Netta yenedh yiles-is
Taareq as teqbaylit

Ur yelli iten isduklen
Ferqen am yirden f lluh
Dtawaghit mi ara heddren
Dtadhsa xas ur ttcuh
D accewccew i ccewcciwen
D ameqran negh d amectuh

Ad ten id ijmaan ur yelli
Yal wa d i texxamt wahdes
Yal wa ghef i itt dhili
Dahwas id it yahwes
Teccaten akk tilizri
Yalwa sanda ighewess

Yal wa id id yudjew
Si tmetti deg i yeghreq
Yal wa laaib id yessew
Netta yeqqar ilaq
Yemmatsen thefdhed aslilew
I dderya yaaraq lmentaq

Idles n ledjnas merra
Gher twacult yella
Ma testeqsadh f kra
Tiririt tezga tella
Mi s d tudredh Tamazgha
Akyini d acut waya

Ghur sen saan “l’avance”
Tzad assen lefhama
Nekni di “retard” neghdhes
Ur nessin acemma
Ayamghar ekker bges
Ay k iruhen ass-a

Iyal idles gan azal
Ayla n sen heqrent
Yiwen ur d yendekwal
Aammden akk nekrent
Akud la yettazzal
Yal later dheyaant

Ma twaladh gher llebsa
Yal wa s irabuben is
Wa in aaryan yedda
Wayed s ujellab is
D acu iten is dukelen da
Ala isem n twacult is

Wa itezzel wa ikerref
Wa iaabbed wa yekkfer
Wa yezga d imcennef
Wayedh yezga isekker
Yal wa ddin deg yettef
Deg ubrid is icewwer

Anda id negra ass-a
S tkemmict yettawi nnif
Mkul mi neqdec f kra
Qqaren agh yewwiken wasif
Nekni i n xeddem nezra
Asiffi nezga nett siff
Lxir ghur negh id yegra
Idles izdegh agh adif.

Ahcene Mariche

Aru izen

Anwa kunwi/kunemti s tfasil:

Isem:

Tansa:

Asmel:

Izen:

Azwel:

Angal UBB:         -Ini-aquablackbluefuchsiagraygreenlimemaroonnavyolivepurpleredsilvertealwhiteyellow -Tiddi-tinysmallmediumlargehuge

Message:

Asegdel

Ttxilwen arut tangalt mgal‑SPAM i tzemrem ad tt‑ɣrem deg tugna.