Taqbaylit - Amezruy

Taqbaylit , niɣ Tazwawt d tutlayt i tt‑meslayen Iqbayliyen. Taqbaylit tett‑ikki deg tutlayin timaziɣin. Ma ɣas tutlayt tamaziɣt, zik, tettwaru s isekkilen n tifinaɣ akken tett‑w'aru tmaceɣt ar ass-a, tamaziɣt tazwawt neɣ taqbaylit tett‑w'aru nettat s isekkilen ilatiniyen. Adlis amenzu i d-yeffɣen s teqbaylit d win yura Adolphe Hanoteau ɣef tuɣac n ğerğer (1867); deffir-es d Auguste Mouliéras i yuran sin yidlisen af tmucuha n Tmurt n leqbayel (1891, 1893-95), ak d Bulifa i yuran taktabt ɣef isefra n Si Muhend (1904). Imir-en, uran Ifransiwen kra n yedlisen ɣef tmucuha d isefra n Iqbayliyen.

Ungal amenzu ittwarun s teqbaylit d win yura Belεid at εli deg iseggasen 1940. Adlis i s-yefkan ilugan iressan n tjerrumt i teqbaylit d win yura Dda Lmulud Mεemri. Kamel Ait Zerrad netta yerna-d ɣef umahil n Dda Lmulud i wakken ad iressi ugar ilugan n tjerrumt n tutlayt-ayi. Iseggasen-a ineggura ffɣen-d azal n 400 idlisen s tmaziɣt, gar ammuden n isefra, tullisin akk d ungalen.Taqbaylit ass mi i d-kecmen ifransiwen ar tmura n tefriqt ugafa tella tettwameslay deg yiwet n temnaṭ meqqren azal n snat n tikkwal tamnaṭ n leqbayel n wass-a. Seg tudrin i d-yezzin i Mila, terreḍ ar tid n idurar n Lḥuḍna, izuɣar n Ṣṭif, idurar n Jijel, Msila, tuɣaleḍ-d ar tmurt n leqbayel n wass-a, At Wertiran, At Yaεla, akk d iderma n temnaṭ n Bgayet, n Tubirett akk d wid n Tizi d Bumerdas.Imir ifransiwen tekkan ɣef lquyyad akk d Bacaɣat akken ad qehren agdud. Kksen akal i wid yellan zedɣen anda yella wakal yelhan i tyerza, kra snegren-t, kra snejlan-t. Fkan akal nni i Lquyyad. Lquyyad-agi akk d Bacaɣat d wid yeɣran taεrabt, ifransiwen llan lemmden taεrabt akken ad ttemyarun d lquyyad-a, imezdaɣ yeqqimen d aklan deg tmurt nsen yeqqim-asen-d kan ad ḍefren almi i d-ufan iman nsen ttun tutlayt nsen, akken i sen-iruh wakal nsen, ǧǧan iman nsen tuɣ fell-asen taɛrabt am akken werǧin mmeslayen taqbaylit. Ihi akka i teqqurmeḍ tjumma anda tettwameslay teqbaylit ass-a.I izemren a tt-iḥadden ɣef wengar d tira akk d tayri d wazal ad as-fken warraw-is. Ma tenger teqbaylit ad negren iqbayliyen, a d-qqimen imdanen war idles, a sen-teḍru am tebrikt yettun tikli n tyaziṭ, tin n tsekkurt ur as-tewwiḍ ara. Ttbut ɣef aya, ad iɣer kan yiwen amek d-gran wid akken yettun tutlayt nsen uɣen tutlayt nniḍen anda yewweḍ wazal nsen. Win i d-yusan a ten-yenher am ulli.

• Rnu amaynut
• Nadi

Iznan (2)

• 2010-05-05 18:21:12 | |88.187.114.xxx| Ubizar  - Taqbaylit,naɣ Tazwawt

  Tanmirt-ik s umagrad-agi (article) .
  acku yeččur d-ttinfaliyin (les expressions).
  yefka cwiṭ inzi ɣar teqbaylit n isegwasen-nni n saεṭ (70).

  Afud uzmir
  

  • 0
  • 0

  ErrBder

• 2010-08-29 02:37:56 |41.201.196.xxx| Wer mussan

  Ihi ad ner achu igh ruhen s isurdiyen s tezmert s therchi
  Am as'a agh dughalen timuzar n igawawawen
  Ih am as'a ad nawi ayla nnagh )

  • 0
  • 0

  ErrBder

Aru izen

Anwa kunwi/kunemti s tfasil:

Isem:

Tansa:

Asmel:

Izen:

Azwel:

Angal UBB:         -Ini-aquablackbluefuchsiagraygreenlimemaroonnavyolivepurpleredsilvertealwhiteyellow -Tiddi-tinysmallmediumlargehuge

Message:

Asegdel

Ttxilwen arut tangalt mgal‑SPAM i tzemrem ad tt‑ɣrem deg tugna.

Joomla components by Compojoom